વિરહ …….

મેઘ નુ ગરજવું આજે ગમગીન લાગે છે.
વર્ષાનુ વરસવુ આજે વસમુ લાગે છે.
માટીની મહેક આજે મનને મુરઝાવે છે,
મેઘધનુષ ના રંગ આજે અગનજ્વાળ ભાસે છે.
મોરલાનો ટહુકો આજે ચિત્કાર લાગે છે,
ખીલેલી સંધ્યા આજે ઉદાસ લાગે છે.
ખળખળ વહેતા ઝરણાં આજે ખાલી લાગે છે,
નદીનો પ્રવાહ આજે લાગણીઓ ને તાણે છે.
શું વિરહ એટલો વસમો હોય છે !!!
કે ધોધની માફક વહેતુ જીવન..
સ્થિર [...]

તું અને હું

તું અને હું જાણે સામા કિનારા
વચ્ચે આ વહેતું એ શું?
વાણી તો જાણે વાદલ વૈશાખના
મૌન કંઈ કહેતું એ શું?
હળવેથી વાતી આ લેહેરાતી
લેહેરખીને લેહેરખીમાં ફૂલોની માયા,
કલકલ વેહેતી આ કાળી કાલિંદી
એમાં કદબંની છાયા,
માયા ને છાયા તો સમજ્યા સાજન
પણ શ્વાસોંમાં મેહેકતું એ શું?
શમણાંની શેરીમાં પગલાનો રવ
ને પગલામાં ઝાંઝવાના પૂર,
ખાલી તો ઓઢીને સુનૂ આ ગામ
ને ગામ મહીં પીડા ના સૂર
પૂર [...]

વ્યથા…!!!

વર્તમાન પત્ર ના પ્રત ની જેમ મે..જ.. ફેલાવ્યો છે મને …
ત્રિશંકુ ની સ્થિતી માં ભલા મે યે કેવો ફસાવ્યો છે મને…
અફસોસ નથી કે ના સંગ્રહી શક્યુ કોઈ મને એના દિલમાં
હું… જાણું છુ કે મે જ કેટલો સતાવ્યો છે મને…!!!
જીવનની હર એક..દુખદ પળોમાં હું આમ જ હસતો રહ્યો…
હસમુખ બારમાસી ફુલોના ક્યારામાં મે…જ… રોપાવ્યો છે મને…
શુકર કરો [...]

‘વાર નથી લાગતી’…………

મુંઝાય છે શું મનમા, સમય જતા વાર નથી લાગતી.
રહી જશે મનની મનમા, એ વાત આજે સાચી નથી લાગતી.
કોને ખબર છે, કાંકરા ને રેતીમાં બદલાતા વાર નથી લાગતી.
ક્ષિતિજ ને જોઉ છું જ્યારે, સુર્યાસ્તને સાંજ થતા વાર નથી લાગતી.
કોણે કહ્યુ જામમાં છે ગમ, ચઢતા એને વાર નથી લાગતી.
વીજળીના ટંકાર પછી, વાદળાને વરસાદ બનતા વાર નથી લાગતી.
ક્ષણની તો [...]

આંખોની બારીને પાંપણનું સુખ છે

આંખોની બારીને પાંપણનું સુખ છે,
ઘરના તો ખોળાને આંગણનું સુખ છે.
સંબંધોની પેઢીએ ખર્ચાયો પણ,
ભીતરમાં ખ્વાબોની થાપણનું સુખ છે.
વીતેલી યાદોને જોખીને તું જો,
ઘરની પરણેતરને કંકણનું સુખ છે.
ગાયોની સાથે તો કાન્હો ખેલ્યો, ને
ગોકુળના લોકોને માખણનું સુખ છે.
સુખ સઘળાં પૃથ્વીના તોલીને તું જો,
માતાના ખોળે તો ધાવણનું સુખ છે.
સુનીલ શાહ

તારા પ્રેમના ઘૂંટ ઉતરતા કાયમ રહેશે

મને એવું હતું કે હાથ તારો મારા હાથમાં રહેશે,
ફક્ત બે ચાર દિવસ નહીં, તુ કાયમ શ્વાસમાં રહેશે.
તારી સાથે ગાળેલી હર ક્ષણ યાદ મને કાયમ રહેશે.
તારા પ્રેમના ઘૂંટ ઉતરતા કાયમ રહેશે.
તારી સાથે ભરેલા ડગ મને યાદ પ્રૂરા રહેશે,
તારા પગલાંની છાપ મારા દીલ પર કાયમ રહેશે.
– શૈલ્ય

મિચ્છામી દુક્કડ્મ

નાજુક ફુલ જેવા દિલ પર…
જયારે કોઈ કાંટાળો વજ્રઘાત પ્રહાર કરે છે…
.. ત્યારે…
દિલ ખળભળી ઉઠે છે….
…ને… સર્જાય છે…
બે અનમોલ દિલ વચ્ચે
વેર અને બદલાની દિવાલો..
…ને…એને ભેદે છે માત્ર પ્રશ્ચાતાપ…
તો ચાલો આપણે પણ કોઈનુ મન જાણતા અજાણતા દુભાવ્યુ હોય
તો મિચ્છામી દુક્કડ્મ કરી એમને મનાવી લઈયે….
- હસમુખ ધરોડ ‘અંકુર’

તકદીર ખુદ ખુદાએ લખી પણ ગમી નથી

તકદીર ખુદ ખુદાએ લખી પણ ગમી નથી,
સારું થયું કે કોઈ મનુજે લખી નથી.
કેવા શુકનમાં પર્વતે આપી હશે વિદાય,
નિજ ઘરથી નીકળી નદી પાછી વળી નથી.
શ્રદ્ધાનો હો વિષય તો પુરાવાની શી જરૂર?
કુરાનમાં તો ક્યાંય પયગંબરની સહી નથી.
ડૂબાડી દઈ શકું છું ગળાબૂડ સ્મિતને,
મારી કને તો અશ્રુઓની કંઈ કમી નથી.
મૃત્યુની ઠેસ વાગશે તો શું થશે ‘જલન’,
જીવનની ઠેસની હજુ કળ [...]

એ રીતે છવાઈ ગયા છે ખયાલમાં

એ રીતે છવાઈ ગયા છે ખયાલમાં,
આવેશને ગણી મેં લીધો છે વહાલમાં.0
તારા વચનનો કેટલો આભાર માનીએ,
વરસો કઠણ હતાં તે ગયાં આજકાલમાં.
સારું છે એની સાથે કશી ગુફ્તગુ નથી,
નિહતર હું કંઈક ભૂલ કરત બોલચાલમાં.
કરતો હતો જે પહેલાં તે પ્રસ્તાવના ગઈ,
લઈ લઉં છું એનું નામ હવે બોલચાલમાં.
લય પણ જરૂર હોય છે, મારી ગિતની સાથ,
હું છું ધ્વિનસમાન જમાનાની ચાલમાં.
મુજ પર [...]

પણ એવું ……. ક્યાં મળે?

આ ઘર,આ ઑફિસ,આ ગાડી, ક્યારેક તો કંઈક બદલાવ મળે.
મારે તો જવું હતું ચાંદની પેલે પાર, પણ એવું વિમાન ક્યાં મળે?
આ કોયલ,આ બગીચો,આ વાડી,ક્યારેક તો નવું મધુવન મળે,
મારે તો માણવી હતી સુગંધ આરપાર, પણ એવું સુમન ક્યાં મળે?
આ ઉલફત,આ નફરત,કાયમ મને નડી, ક્યારેક તો કંઈક સદભાવ મળે,
તેને બધું સોંપીને થઈ જઉં નિર્વિકાર, પણ એવો ‘ભગવાન’ ક્યાં [...]

વિશ્વામિત્રનો તપોભંગ

છાને પગલે આવીને કોક દિલના દ્વાર ખોલી ગયું,
અંતરની ઉર્મિઓને કોક આઝાદ કરી ગયું,
સ્થિર મનમાં કોક કાંકરીચાળો કરી ગયું,
ફરી મેનકાનું કામણ,
એક વિશ્વામિત્રનું તપોભંગ કરી ગયું.
– શૈલ્ય

દર્પણ…!!!

દર્પણ એ જ રહે છે ને… વદન બદલાય છે….
ને…વદન પરના કેટલાયે વર્ણન બદલાય છે….
આ એક સ્ત્રી જ છે હર..એક.. બરબાદીનું નિમિત્ત..
માટે જ રાવણ જેવાના યે સ્વમાન ટકરાય છે….
ખારો લાગે છે સમંદર છતાં યે વૈભવ કેટલો?
દર્દ હોય જીગરમાં પછી જુઓ કેમ જીવન જીવાય છે…
મીઠું હોય સ્મિત ભલે.. ને.. અશ્રુઓ લાગે ખારા
સબરસ હોય તો.. જ… મીઠા ભોજન [...]

હાઈકુ - ૩

સમય સરે;
રેશમી રેતી સમો,
વેડફવો ના.
વૃંદાવન છે
દિલ મારું, તું કાનો
કામણગારો!
શબ્દપ્રવાહ-
લાગણીને કિનારે,
ધસમસતો !
રચ્યું જેને મેં
‘હાઈકુ’ કહી,મારે
હૈયે વળગ્યું !
કવિ રમતા
શબ્દોની રમતે,હું
જોઈ રહેતી!
ટવીન ટાવર્સ,
ઘૃણાસ્પદ ઘટના,
માનવતા ક્યાં?
હજારો મરે;
હું જિંદગી જીવું છું,
લાચારપણે !
દીપ્તિ પટેલ ‘શમા’

જાણે અજાણે

જાણે અજાણે નામ જો તારું દેવાય તો પ્રભુ
  તુંજમાં એ પ્રિય થઈ જાતો
  એ તો પામતો અક્ષરધામ.
  ….જાણે અજાણે
જીવનની આ સુખશૈયામાં તુજને એ ભુલી જાતો
મરણ આંગણે આવે ત્યારે તુજને એ સમરી જાતો
  એ તો થઈ જાતો નિરાકાર
  ….જાણે અજાણે
પ્રેમની પાવક જ્વાળા ન્હાતા થઈ જતો નિષ્કામ
અંત સમયની અટારીએથી તુજમાં એ વિસરાતો
  એ તો લાગે છે પ્રેમાળ
  [...]

જીવન માં એક

જીવન માં એક સારી જીત મળે તો ઘણું.
માંગ્યા વિના જ તારી પ્રિત મળે તો ઘણું,
ઘણા રસ્તા પડે છે આ મોડ પર,
સાવ અચાનક જ મને તારી રાહ મળે તો ઘણું…!
-.ધ્વનિ જોશી

ને તારી યાદો

સાવ સુનુ ઘર , ને તારી યાદો,
મોસમ નો પહેલો વરસાદ ,ને એ મુલાકાતો,
ચુપકીદી છે છવાઇ તોય ગુંજે તારી વાતો,
તુ નથી મારી સાથે તો જોને,પાંપણે મહેફિલ સજાવે આ આંખો..!!!
-ધ્વનિ જોશી.

ચાંદને તો દરેક લોકો ચાહે છે

ચાંદને તો દરેક લોકો ચાહે છે,
ક્યારેક સૂરજને ચાહવાની કોશિશ તો કરો;
સુખ તો દરેક લોકો માંગે છે,
ક્યારેક દુઃખ માંગવાની કોશિશ તો કરો;
પ્રેમ તો દરેક લોકો કરે છે,
ક્યારેક નફરત કરવાની કોશિશ તો કરો;
વચન તો દરેક લોકો આપે છે,
ક્યારેક નિભાવાની કોશિશ તો કરો;
વિદેશ ગમનની દરેક લોકોની ઇચ્છા હોય છે,
ક્યારેક પોતાના દેશને ઓળખવાની કોશિશ તો કરો;
હવામાં ઉડવાની દરેક લોકોની [...]

આતો પવિત્ર શ્રાવણ માસ આવ્યો

આતો પવિત્ર શ્રાવણ માસ આવ્યો
શિવ આરાધના ના દિવસો લાવ્યો
ભોળા ભગવાન હવે થાશે પ્રસન્ન
માત્ર ચડાવો થોડો બીલી પત્ર
કરો શિવ લિંગ પર દુધનો અભિશેક
થાશે જીવનમાં દુખોનો વિનાશ
જે ભજશે ભાવથી ભોળાનાથને
‘કપિલ’ એનો થાશે વૈકુટમાં વાસ.
-કપિલ દવે

ભારત ભુમિ નો એક એવો ટુકડો

ભારત ભુમિ નો એક એવો ટુકડો,
એતો છે એક દુજણી ગાય
ભારત ભુમિ નો એક એવો ટુકડો,
જે છે શુર વીરો ની ભુમિ
ભારત ભુમિ નો એક એવો ટુકડો,
જ્યાં લેતા સંતો-મહંતો જનમ
ભારત ભુમિ નો એક એવો ટુકડો,
જ્યાં માતાજી હાજરા હાજુર છે
ભારત ભુમિ નો એક એવો ટુકડો,
જ્યાં વહે છે પવિત્ર નદી નો પ્રવાહ
ભારત ભુમિ નો એક એવો ટુકડો,
જ્યાંની હસ્તકલા જગ [...]

પચાવી ગયો છું

કતારો અશ્રુની પચાવી ગયો છું
છતાં જિંદગીને હસાવી ગયો છું
તમોને હવે તો ક્યાં ફરિયાદ કરવી
હતાશા પળોની હટાવી ગયો છું
લખાયાં અમારાં નસીબો બધાંયે
પછી પણ ઘસીને મિટાવી ગયો છું
ઘણી લાગણીઓ વરસતી રહીછે,
બધાંયે ગમો ગટ ગટાવી ગયો છું
ઉઘાડી કબર?ને સમયને સહારે
હજારો વરસથી ઘસાઈ ગયો છું.
-સુનીલ શાહ

આમ દિલની દાદ દઈ ફરિયાદ કેમ કરે ?

આમ દિલની દાદ દઈ ફરિયાદ કેમ કરે ?
જે તારા ન હતાં તેની યાદમાં રડ્યા કેમ કરે ?
તેમના વાયદા તો ઝાકળના ટીપાં હતાં,
તેમાં હજુ પણ તું જાતને ભીંજવ્યા કેમ કરે ?
તેમણે ખાધેલી કસમ તો પરોઢનું ધુમ્મ્સ હતું,
તેમાં તું વર્ષા નું વાદળ શોધ્યા કેમ કરે ?
તેમણે બતાવેલા સ્વપ્ન તો મૃગજળ ના પ્રતિબિંબ હતાં,
તેમાં તું હકીકત ના મહેલ [...]

પણ શ્યામ, તું જ છે રાધા વિના અધૂરો…..

ગોકુલની ગલીઓ માં શ્યામ થયો બહાવરો ,
રાધા વિના રહેવા નહીં એને મહાવરો,
ગોપ - ગોપી ને વિનવે ,
પશુ - પંખી ને વિનવે ,
કોઈક તો આપો મને રાધાનો અણસારો ,
મટકી નહી ફોડું, કહી ગ્વાલણને રીઝવે,
માખણ નહી ચોરું, કહી માં ને મનાવે,
બસ કોઈ આપો મને રાધાનો અણસારો ,
ગાયો ને મૂકી રેઢી,
વાંસળી ને મૂકી મેડી,
જમનાની રેતમાં રાધાના પગલાં શોધવા [...]

કાન્હા - તારી લીલા

કાન્હા - તારી લીલાનો ક્યાં કોઈ પાર છે?
ને આમ જોઈયે તો તારું ક્યાં કંઈ ખાનગી છે?
જગ-જાહેર તો છે; તારી લીલા -
શરુ થઈ કંસના કાળા કારાવાસમાં
કે વસી વાસુદેવ-દેવકીના શ્વાસમાં.
તને છોડતાં તેમણે છોડેલાં નિશ્વાસમાં
કે તને પામનારાં જશોદા-નંદનાં આનંદમાં.
ખળ ખળ વહેતી કાળી કાલિંદીના વહેણમાં
કે તેં  ચોરી-ચોરી ચોરેલાં યશોદાના માખણમાં.
તારી દિવાની;ભાન-ભૂલેલી ગોપીઓનાં મટકાંમાં
કે તારાં નામની સહિયારી;બાવરી રાધાના લટકાંમાં.
તારાં ગોપીઓનાં [...]

નહીં તો શું..?

જગતના માણસો મારી કદર કરશે નહીં તો શું?
સરકતી રેતની સંગે સમય ફરશે નહીં તો શુ?
બહુ ઓછાં ફુલોને સ્પર્શવાનું ભાગ્ય પામ્યો છું
સુગંધોના બજારે જો પવન મળશે નહીં તો શુ?
દુવાઓ આમ કરવાની સમજ હોતી નથી ત્યારે
ગગનના પાલવેથી તારલા ખરશે નહીં તો શું?
ખુશીની કોઈ પળ આવે સદા એવું જ ચાહીએ
છતાં પડઘા દીવાલે આથડી ફરશે નહીં તો શું?
ઘણી સંભાળ [...]

અલવિદા…!!!

છલોછલ જામ નયનના અને રસપાન કરતા રહ્યા તમે…
નશો પ્રેમ નો કેવો ઢોળાયો… અને..મયકદા બની ગયા તમે…!!!
હતી ક્ષણો ની પરોક્ષ મુલાકાત,ભાસે યુગોની ખોવાયેલી સોગાદ…
શબ્દોના બાહુપાસ માં સમાઈ,નિશબ્દ બની ફિદા થઈ ગયા તમે…
સબંધોની દિવાલો ખંડેર થઈ…તો..યે.. અરમાન દિલના ક્યાં રોકાંણા?
હું જરુર આવીશ એવો વાયદો આપી… પછી જુદા થઈ ગયા તમે..
છે આ બેહાલ અમારા , તમારી જ છે [...]