અનુભૂતિ

લીલ લપાઈ બેઠી જળને તળિયે ;
સૂર્યકિરણને એમ થયું કે લાવ જઈને મળીએ !
કંપ્યું જળનું રેશમ પોત;
કિરણ તો ઝૂક્યું થઈ કપોત.
વિધવિધ સ્વરની રમણા જંપી નીરવની વાંસળીએ !
હળવે ઊતરે આખું વ્યોમ;
નેણને અણજાણી આ ભોમ.
લખ લખ હીરા ઝળકે ભીનાં તૃણ તણી આંગળીએ !
- સુરેશ દલાલ

હાઈકુ – ૩

સમય સરે;
રેશમી રેતી સમો,
વેડફવો ના.
વૃંદાવન છે
દિલ મારું, તું કાનો
કામણગારો!
શબ્દપ્રવાહ-
લાગણીને કિનારે,
ધસમસતો !
રચ્યું જેને મેં
‘હાઈકુ’ કહી,મારે
હૈયે વળગ્યું !
કવિ રમતા
શબ્દોની રમતે,હું
જોઈ રહેતી!
ટવીન ટાવર્સ,
ઘૃણાસ્પદ ઘટના,
માનવતા ક્યાં?
હજારો મરે;
હું જિંદગી જીવું છું,
લાચારપણે !
દીપ્તિ પટેલ ‘શમા’

હાયકુ

જેટલું સુખ
તેનાથી બમણી છે
ભવની ભૂખ
હોસ્પિટલનું
અત્તર અટલે આ
ફિનાઈલ છે
આ માતૃભાષા
એ તો છે સંસ્કૃતિનાં
પ્રાણ સમાન
બગાસું એ તો
ઊંઘના આગમન
નુ એંધાણ છે
રાખડી એ તો
છે, ભાઈ બહેનનુ
પ્રેમ પ્રતિક.
આ સંસ્કૃતિનું
રક્ષણ કરે એવા
સંત શોધુ છું
પારકા પાસે
ભાગીયે તો પોતાનુ
છુટી જાય છે
-કપિલ દવે

હાઈકુ – ૨

ટપકે આંસું,
બને દરિયો ખારો-
મને ના ગમે.
હું લખ્યા કરું,
તમે છુપાવ્યા કરો-
એ થોડું ચાલે?
તારી ઝુલ્ફોં
કાળું વાદળ,તારો
ચહેરો ચાંદ.
આંખે બાવળ,
હૈયે ઉઝરડાં, એ
ઉગાડી ગયો!
ઉર્મિતોફાન-
હૈયાનો કાંઠો તોડી,
ઉમટી પડ્યું.
મારી હેતનું
નાજુક ફુલ, તારું
હૈયું પથ્થર!
નયન દ્વારે
આંસું વહેતાં,એ છે
કેવો નિર્લજ્જ.
પ્રેમનું બીજ
વાવી, મેં પાક લણ્યો
બેવફાઈનો.
દીપ્તિ પટેલ ‘શમા’

હાયકુ

શ્રીમંતોને છે
પૈસો હાથનો મેલ,
રંકનો મેલ ?
જેના મન છે
મેલા, તન ઉજળા;
એ નથી મિત્ર.
પાપ ધોવા તો
ન્હાય ગંગામાં, પાછા
પાપ કરે છે.
-કપિલ દવે

હાઈકુ

ફૂલની રક્ષા
કંટકો કરતાં, એને
બધાં વગોવે.
કેટલું મારા
મનને સમજાવું?
મારું ના થતું!
રણ શબ્દોનું
અફાટ, હું તો તેમાં
ચાલ્યા જ કરું!
બધી વાતોનાં
સરવૈયાં? જિંદગી
ગણિત નથી!
ચાર અક્ષર
લખ્યા એટલે હાઈકુ?
શું તમે પણ?
માદક પ્રેમ,
એથી માદક પ્રેમી,
એથી વધું શું?
-દીપ્તિ પટેલ ‘શમા’

અદાલત…!!!

નાજુક ફુલો
ઉભા આરોપી જેમ
કાંટા ની કોર્ટે !!!
- હસમુખ ધરોડ ‘અંકુર’

કેલેન્ડર….!!!

કેલેન્ડર મેળવો
વિના મુલ્યે
દિવાલો બતાવીને
- હસમુખ ધરોડ ‘અંકુર’

સંતાકુકડી……………………..!

સંતાકુકડી
રમે સુરજ ચાંદ
સવાર સાંજ
- હસમુખ ધરોડ ‘અંકુર’

પકડદાવ………..!

પકડદાવ
રમે ગરીબો હવે
પૈસા ની સંગ…
-હસમુખ ધરોડ ‘અંકુર’

માણસ ઘુરે

માણસ ઘુરે
માણસ સામે જોઇ
કુતરુ મૌન …!!!
-હસમુખ ધરોડ ‘અંકુર’

બેવફા

તરછોડી અમને
ચાલ્યા તમે
આંસુઓ પુરે સાક્ષી
-હસમુખ ધરોડ

હાયકુ લખ્યા છે

હાયકુ લખ્યા છે
ખાનગી વાતો
જાહેર માં કરવા

ચાંદની

અડધી રાત્રે
ચાંદની ને એકલી
કોણે મોકલી ?

ચોમાસા ની રાતમાં

ચોમાસા ની રાતમાં
ગરીબો સુતા
શરીર ને ઓઢી ને
-હસમુખ ધરોડ ‘અંકુર’

નશાબંદી

દારુ પીને હું
લખીશ નશાબંદી
પર કવિતા
-હસમુખ ધરોડ ‘અંકુર’

ફોટોગ્રાફર

ફોટોગ્રાફર
પુત્ર માં હોય તેના
પિતાનો ફોટો
-હસમુખ ધરોડ ‘અંકુર’