હું ય લખું બસ જરી ? – વિમલ અગ્રાવત


તમને તો કંઈ ઘણાં ઘણાંએ ઘણું લખ્યું છે હરિ !
હું ય લખું બસ જરી ?

લખવાવાળા લખે શબદની કૈંક કરામત લાવે,
હરિ ! મને તો વધી વધીને કક્કો લખતા ફાવે,
જરૂર પડે ત્યાં કાનો-માતર તમે જ લેજો કરી.
હું ય લખું બસ જરી ?

શબદ સરકણાં ફોગટ સઘળા કાગળ મારો સાચો,
અક્ષરમાં અંધારું કેવળ અંતર મારું વાંચો,
પરબીડિયું પડતું મેલી મેં મને રવાના કરી.
હું ય લખું બસ જરી ?

-વિમલ અગ્રાવત

7 Responses

  1. સુંદર.

  2. ઘણા સમય પછીએક સારી રચના માણવાની મજા આવી. મને આ રચના ખુબ ગમી. હરિની આ રચનાએ કવિ શ્રી રમેશ પારેખની યાદ અપાવી. આ રચનામાં આપનું ગહન ચિંતન તથા આધ્યાત્મિક સ્પર્શ અનુભવાય છે.
    આબુધ જેવા આપણે હરિનો સ્પર્શ થતા જ કંચન બની જઈએ છીએ , મઘમઘી જઈએ છે પુષ્પની માફક…!!
    ‘હરિ તારા નામ છે હજાર ‘ કહીને હરિને ઘણા લોકોએ કાલાવાલા કર્યાં છે.મને તો આ પણ નથી આવડતું …એવું કહીને અંદરના ખાલીપણાની વાત લલિત શબ્દોમાં કાવ્યાત્મક બાનીમાં છાની રીતે કહી દીધી.આ રહ્યા તે શબ્દો…

    લખવાવાળા લખે શબદની કૈંક કરામત લાવે,
    હરિ ! મને તો વધી વધીને કક્કો લખતા ફાવે,
    જરૂર પડે ત્યાં કાનો-માતર તમે જ લેજો કરી.
    હું ય લખું બસ જરી ?

    પણ આ બધી વાત તો કાગળમાં અક્ષર લખવા જેવી છે.આ અક્ષરોની મને ગતાગમ નથી. તેથી હું મારી
    તિમિરાચ્છાદિત જાત ને જ તારી પાસે મોકલું છું . એ વાત પણ સમર્પિત ભાવે અને સરસ રીતે વ્યક્ત થઇ છે …

    શબદ સરકણાં ફોગટ સઘળા કાગળ મારો સાચો,
    અક્ષરમાં અંધારું કેવળ અંતર મારું વાંચો,
    પરબીડિયું પડતું મેલી મેં મને રવાના કરી.
    હું ય લખું બસ જરી ?

    આ વાંચી આદ્ય કવિ નરસિંહ મહેતા યાદ આવી જાય છે.
    જ્યાં લગી આત્મા તત્વ ચીન્યો નહિ, ત્યાં લગી સાધના સર્વ જૂઠી,
    મનુષ્ય-દેહ તારો એમ એળે ગયો, માવઠાની જેમ વૃષ્ટિ જૂઠી.

    ટૂંકમાં આ રચના ગમી એટલે ગમી એટલે ગમી….!!!
    મને પણ કહેવાની ઈચ્છા થાય કે ..

    તું હરિ કીધું લખે ——–દીપક ત્રિવેદી

    હું લખું અધરું બધું તું સરળ સીધું લખે !
    હું કીધું મારું લખું તું હરિ કીધું લખે !

    પહોંચવાનું હોય છે આ ખૂણેથી ખામ્ભીએ –
    તું કરે રાજીખુશીથી, પ્યાલીનું પીધું લખે !

    ઠેસ વાગે તો કહું, દર્દનાં અણસાર ને —
    તું સકલનાં હિંચકેથી મર્મનું લીધું લખે !

    એના શબ્દોથી મહેકતાં સમજણોનાં સાથિયા
    એ સતત ઉંચે જઈ, આયખું દીધું લખે !

    મન વિષેનું આ ઉખાણું એમ કંઈ સમજાય નહીં
    કોઈ કંઠે થી અચાનક તું અધર-પીધું લખે !!!

    ——-દીપક ત્રિવેદી

  3. i like…nice….

  4. Very nice poetry!

  5. Awesome…ગુજરાતી ભાષા ની આનાથી મોટી સેવા શું હોય? ખૂબ ગમ્યુ.

  6. Wah saheb sabdo ochha pade vakhan karta karta

  7. Sache j bahu sunder rachna. Like it.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: