આવ જોઇ લઉં તને પણ છું હજી તો ભાનમાં
તુંય ઘા આપી શકે ! હમણા જ આવ્યું ધ્યાનમાં
હોય હિમ્મત આવ મસળી નાખ હું ઊભો જ છું
ઝેર શું રેડ્યા કરે છે પથ્થરોના કાનમાં
એક નોંધારી નદીના શ્વાસ પર છૂરો મૂકી
લઇ લીધા છે એમણે સાતેય દરીયા બાનમાં
બે’ક પંખી, બે’ક ટહુકા, એક હળવું ઝાપટું
ઝાડ શું માગી શકે બીજું તો કંઇ વરદાનમાં ?
મેજ,બારી,બારણા ધૂણવા જ માંડે આ ક્ષણે
કોલસાનું કાળજું પલટાય જો લોબાનમાં
– ચંદ્રેશ મકવાણા
Filed under: ગઝલ, ચંદ્રેશ મકવાણા | Tagged: આ અવાજોના દલાલો, આવ જોઇ લઉં, એ જ બીકે, એક, કંઠ પણ, કાપી ન લે, કોયલ ગાય છે, ગુજરાતી, ગુજરાતી ગઝલ, ચંદ્રેશ. મકવાણા, છું હજી તો, જ આવ્યું, તને પણ, તું ય સાથે આવે, તુંય ઘા આપી શકે !, ધ્યાનમાં, ભાનમાં, વેરાનમાં, હમણા, gujarati gazal, Gujaratigazal.wordpress | 6 Comments »