હતી એકસરખી જ હાલત અમારી
મળી ઘર વગરની મને એક બારી
ભણેલી-ગણેલી મળે લાગણીઓ
ન સમજી શકે કૈં અભણ આંખ મારી.
રહસ્યો ખબર છે બધાં ઘરની છતનાં
નથી કોઈ આકાશની જાણકારી.
મેં તારી ગલીના ગુનાઓ કર્યા નહીં
નહીંતર સજાઓ હતી સારી-સારી.
થયા શું અનુભવ, ટકોરા જ કહેશે
તને ક્યાં ખબર, બારણાની ખુમારી ?
Filed under: કવિ/કવિયત્રી, ગઝલ, ભાવેશ ભટ્ટૃ | Tagged: બારણાની ખુમારી, ભાવેશ ભટ્ટ, મળી ઘર વગરની મને એક બારી, હતી એકસરખી હાલત અમારી | 6 Comments »