એ અજાણ્યા જણ વિશે કંઈ વાત કર,
રેશમી સગપણ વિશે કંઈ વાત કર.
જે વિશેષણની પરે પહોંચી ગઈ,
એક એવી ક્ષણ વિશે કંઈ વાત કર.
આજ લગ જેના વિશે કંઈ ના કહ્યું,
એ જ અંગત વ્રણ વિશે કંઈ વાત કર.
જે થયું એ તો બધુંયે ગૌણ છે,
તું પ્રથમ કારણ વિશે કંઈ વાત કર.
આંખની ભીનાશ મેં જાણી લીધી,
આંખમાંનાં રણ વિશે કંઈ વાત કર.
– જાતુષ જોષી
Filed under: જાતુષ જોષી | Tagged: અંગત, આંખની, આંખમાંનાં, આજ, એ અજાણ્યા, એ જ, એક, એવી, કંઈ, કર, કહ્યું, ક્ષણ, ગઈ, ગૌણ, જણ, જાણી, જાતુષ જોષી, જે થયું એ, જે વિશેષણની, જેના, તો, ના, પરે, પહોંચી, બધુંયે, ભીનાશ, મેં, રણ, રેશમી સગપણ, લગ, લીધી, વાત, વિશે, વ્રણ | 5 Comments »