" એનુ નામ પ્રેમ છે "
"ગઝલ" એટલે...
ankur
befaam
DARD
download gujarati gazal
download gujarati songs
DUKH
Gazal
geet
ghayal
gujarati
gujarati gazal
GUJARATI GAZAL IN
gujarati poem
gujarati poetry
gujarati Poetry world
gujarati shayri
hasmukh_dharod-'ankur'
hayku
kavita
love
MANHAR UDAS
poetry
prem
sahitya
shayri
sunil-shah
suresh dalal
survadaman
unknown
varsadi gujarati gazal
varsadi gujarati poem
varsadi poem
અઘરો સવાલ...
અણસાર..............!
આંસુ
આ યાદ છે આપની કે
આરજુ....!!!
એક
કટી પતંગ
કવિતા
ગઝલ
ગીત
ગુજરાતી
ગુજરાતી ગઝલ
છે
જાણે
જીવન...!
જીવન જીવતાં જઇએ સાથે
તડફડાટ...!!!
તો
દશા મારી
દિલ
દુઃખ
નથી
પ્રેમ
બેવફા
ભરત વિંઝુડા
મને
મનોજ ખંડેરિયા
મહીં
મારી
મિત્ર...!!!
મિત્રતા
યાદ...ફરિયાદ...!!!
રમેશ પારેખ
રાજેશ વ્યાસ ‘મિસ્કીન’
વરસાદી ગઝલ
વાસ્તવિક્તા
વિમલ અગ્રાવત
શ્યામ સાધુ
સંબંધ....
હું
હ્રદય
Posted on સપ્ટેમ્બર 7, 2021 by Swati
આ ધારામાં વહેવું ઘણું આકરું છે, કશું પણ ન કહેવું ઘણું આકરું છે.
બધા બુધ્ધિમાનોની વચ્ચે અહીં પર, ખરેખર તો રહેવું ઘણું આકરું છે.
ભૂજાઓને બાંધી સમંદરમાં પડવું, અને એમાં તરવું ઘણું આકરું છે.
સમજમાં ન આવે એવી વાત પર પણ, સમાધાન કરવું ઘણું આકરું છે.
બાંધીને પાટા બધા જેમ આંખે , ચાલ્યા જ કરવું ઘણું આકરું છે.
મળે નૈ મથામણ પછી તોડ એના, વિચારોમાં રહેવું ઘણું આકરું છે.
માંગ્યુ મરણ ”સ્તબ્ધ” મળતું નથી જ્યાં, જીવતું ય રહેવું ઘણું આકરું છે.
– કૌશલ શેઠ
Filed under: કવિતા , કૌશલ શેઠ , ગઝલ | Tagged: આકરું , Gazal , gujarati gazal | Leave a comment »
Posted on જૂન 12, 2016 by Swati
અધમણ અંધારું ઘેરાયું, સમજી જા
ચન્દ્રબિંબ જળમાં દેખાયું, સમજી જા
મુઠ્ઠી વાળી ભીંતો ભાગી શેરી વચ્ચે
માથા સાથે ધડ છેદાયું, સમજી જા.
નભની આ ગેબી વાણી છે, સમજી જા
પળ પોતે પણ પટરાણી છે, સમજી જા
દરિયા જેવો દરિયો લાગે આ બીધેલો
ગિરિવર ભેજ્યાં આ પાણી છે, સમજી જા.
પડછાયાનું ટોળે વળતું ધણ છે, સમજી જા
સાંજ પડી પણ ધીખતું રણ છે, સમજી જા
મઝધારેથી તટ પર આવી તૂટી ગયું છે
મોજું ક્યાં છે, જીવતું જણ છે, સમજી જા.
બુઠ્ઠું, બોથડ, ધાર વગરનું શસ્ત્ર થયું છે, સમજી જા
જીર્ણ શીર્ણ ચોમેર ફાટલું વસ્ત્ર થયું છે, સમજી જા
– ચિનુ મોદી
Filed under: કવિતા , ગઝલ , ગીત , ચિનુ મોદી ‘ઈર્શાદ’ | Tagged: અધમણ અંધારું ઘેરાયું , કવિતા , ગઝલ , ગીત , ગુજરાતી ગઝલ , ચન્દ્રબિંબ જળમાં દેખાયું , ચિનુ મોદી ‘ઈર્શાદ' , સમજી જા , chinu modi , Gazal , gujarati , gujarati gazal , gujarati poem , gujarati poetry , gujarati shayri , kavita , sahitya , samji ja , shayri | Leave a comment »
Posted on જૂન 9, 2016 by Swati
રોજ મેળો ભરાય મારે મેડે
રે સૈ ! મારું ઘર તો છલોછલ…
વળી ઉપરથી કોઈ રાગ રેડે
રે સૈ ! મારું ઘર તો છલોછલ…
ક્યાંક છમછમ સૂણું તો ક્યાંક વેણુ
હવે મીઠું લાગે છે મને મે’ણું
કોઈ ગમતીલું રમતીલું છેડે
રે સૈ ! મારું ઝાંઝર છલોછલ…
રોજ મેળો ભરાય મારે મેડે…
કોણ આવ્યું ને કોણ નહીં આવ્યું
મને એવું ગણતાં ન જરી ફાવ્યું
અહીં ટીપું છલકાય આપમેળે
રે સૈ ! મારું અંતર છલોછલ…
રોજ મેળો ભરાય મારે મેડે…
મારા મેડા પર આભ ઝૂકી જાતું
મને ચાંદરણું લાગ રાતું રાતું
હાય ! રાજગરો રાતે છંછેડે
રે સૈ ! મારું ભીતર છલોછલ…
રોજ મેળો ભરાય મારે મેડે…
– ગાયત્રી ભટ્ટ
Filed under: કવિતા , ગાયત્રી ભટ્ટ , ગીત | Tagged: કવિતા , ગઝલ , ગાયત્રી ભટ્ટ , ગીત , ગુજરાતી ગઝલ , ભરાય , મારું ઘર – ગાયત્રી ભટ્ટ , મારે મેડે રે , મેળો , રોજ , વળી ઉપરથી કોઈ રાગ રેડે , સૈ મારું ઘર તો છલોછલ , Gayatri Bhatt , Gazal , geet , gujarati , gujarati gazal , gujarati poem , gujarati poetry , kavita , maru ghar | 2 Comments »
Posted on જૂન 6, 2016 by Swati
એક ઇમારત બંધ પડી છે
અધ્ધર, આભે ઊંચી
એની નથી જ જડતી કૂંચી –
કઈ સદીઓથી હવા બંધ છે
દીવાલ વચ્ચે કેદ;
અંધારાએ સંતાડ્યા છે
કૈંક જનમના ભેદ –
પડછાયામાં હોડી ડૂબી
વાત મને એ ખૂંચી
એક ઇમારત બંધ પડી છે
અધ્ધર, આભે ઊંચી…
બંને પાંખો વીંઝી પંખી
નભ લગ પહોંચે રોજ
મેં કૂંચીનું પૂછ્યું તો કહે
એ જ ચાલતી ખોજ
હાથવગી કૂંચી બનતી તો
વધે ઇમારત ઊંચી
એક ઇમારત બંધ પડી છે
અધ્ધર, આભે ઊંચી…
– ચિનુ મોદી
Filed under: કવિતા , ચિનુ મોદી ‘ઈર્શાદ’ | Tagged: અધ્ધર , આભે ઊંચી , ઇમારત , ઇમારત બંધ પડી છે , ઊભી , એક , એની નથી જ જડતી કૂંચી , કવિતા , કૂંચી , ગઝલ , ગીત , ગુજરાતી ગઝલ , ચિનુ મોદી , ચિનુ મોદી ‘ઈર્શાદ' , પંખી , chinu modi , geet , gujarati , gujarati gazal , gujarati poem , gujarati poetry , imarat , kavita , shayri | 1 Comment »
Posted on જૂન 1, 2016 by Swati
આંખો સામે તરે ખભો ને મનમાં માથું ઢળે
“સખી !” કહી બોલાવે એવો એક સખા જો મળે !
કદી કોઈને કહી નથી કંઈ એવી અઢળક વાતો
અંદર બહાર ઊગીને આથમતી જાતી રાતો
જાત ઉલચું આખી ત્યારે તળિયે ટાઢપ વળે
“સખી !” કહી બોલાવે એવો એક સખા જો મળે !
સાચેસાચ્ચું કહી દેવામાં લાગે છે બહુ બીક
એ જો સામે હોય નહીં તો કશું ન લાગે ઠીક
એકલબેઠું મન બિચ્ચારું મૂંઝારાને મળે
“સખી !” કહી બોલાવે એવો એક સખા જો મળે !
મુઠ્ઠી જેવડી છાજલી મારી એ કેવો મસમોટો
ડાબે જમણે ડોક ધરું તો જડે ન એનો જોટો
નથી સમાતો આ આંખોમાં સપનું ક્યાંથી ફળે ?
“સખી !” કહી બોલાવે એવો એક સખા જો મળે !
Filed under: કવિતા , ગાયત્રી ભટ્ટ , ગીત | Tagged: “સખી !” કહી બોલાવે , આંખો સામે તરે ખભો , આધુનિક દ્રૌપદીની અભિપ્સાનું ગીત – ગાયત્રી ભટ્ટ , એવો એક સખા જો મળે ! , કવિતા , ગઝલ , ગાયત્રી ભટ્ટ , ગીત , ગુજરાતી ગઝલ , ને મનમાં માથું ઢળે , gujarati , gujarati gazal , gujarati poem , gujarati poetry , gujarati shayri | 3 Comments »
Posted on ફેબ્રુવારી 24, 2016 by Swati
પંખીની નાતમાં આવ્યો તહેવાર
જામી હરિફાઈ નર્તન ને ગાનની,
કોણ વધુ રૂપાળું, કોણ ગાય મીઠું
ને કોને સમજાય વાત સાનની ?
સાંભળીને કાગભાઈ થૈ ગ્યા તૈયાર
એણે કમ્મર કસી ચારે કોર….. જાણે કળાયેલ નાચે છે મોર…
છાણ ઘસી ઉજળી કીધી છે કાય
માથે ચૂનાને પાણીએ નાયો,
ખોંખારી ખોંખારી કંઠ કીધો છે સાબદો
જાણે કોકીલનો જાયો,
મોરલાના પીંછડા વીણી વીણીને ગૂંથ્યો
ગજરો ને ખેંચ્યા છે દોર… આજ કળાયેલ નાચે છે મોર…
ચકલાંના પીંછાની કલગી ચોટાડી
ને બગલાના પગ લીધા માગી,
કાગડીને ક્યે કે તું મલપંતી હાલ્ય
તારો લાડો બન્યો છે વરણાગી,
કાબર, લેલાં ને તેતરડા છે ભેળા
સૂર પૂરાવે ગીતડાં કલશોર… આજ કળાયેલ નાચે છે મોર…
જોવા આવેલ નૃત્યઘેલા સૌ મરમી
નિર્ણય લ્યે લાગે ના વાર,
આવું ને આટલું સુંદર નથી રે કોઈ
આયોજન કાચું નૈં લગાર,
સંમત થ્યું બોર્ડ, આની જડશે નૈં જોડ
આને દઈ દ્યો એવોર્ડ,
આમ લાગી પસંદગીની મ્હોર… આજ કળાયેલ નાચે છે મોર…
સાચુકલો મોરલો બેઠો ઉદાસ
ઈ તો થઈ ગ્યો નપાસ
ને પપ્પુ થ્યો પાસ
ઢેલ રિસાણી, ક્યે કે કાગ ચોર,
પણ કળાયલ કાગ થિયો મોર…
ઈ તો નાચ્યો થઈ કળાયેલ મોર… આજ કળાયેલ નાચે છે મોર…
Filed under: કવિ/કવિયત્રી , કવિતા , ગીત , નિરંજન રાજ્યગુરુ | Tagged: "ગઝલ" એટલે... , કટાક્ષ , કવિતા , ગઝલ , ગીત , ગુજરાતી ગઝલ , જાણે કળાયલ નાચે છે મોર ! , નિરંજન રાજ્યગુરુ , gujarati , gujarati gazal , gujarati poetry , jane kalayel mor , kavita , niranjan rajyaguru , sahitya | Leave a comment »
Posted on જૂન 11, 2014 by Swati
લીમડાને આવી ગ્યો તાવ,
લીમડાના દાદા ક્યે કહી કહી ને થાકી ગ્યો,
જાવ હજી ફાસ્ટફૂડ ખાવ.
ટી-શર્ટ ને જીન્સવાળી માંજરી બિલાડી ક્યે આપણને દૂધ નહીં ફાવે !
પીત્ઝા ને બર્ગરની આખ્ખી આ પેઢીને રોટલી ને શાક ક્યાંથી ભાવે ?
વર્ષોથી બોટલમાં કેદી થઈ સડતા એ પીણાને પીવો ને પાવ.
જાવ હજી ફાસ્ટફૂડ ખાવ.
અપ ટુ ડેટ કાગડા ને કાગડીયું માઈકમાં મંડીપડ્યા છે કાંઈ ગાવા !
કંઈ પણ ભીંજાય નહી એવા ખાબોચીયામાં નીકળી પડ્યા છો તમે ન્હાવા ?
કૂંપળના ગીત લીલા પડતા મૂકીને ગાવ રીમિક્સના ગાણાઓ ગાવ.
જાવ હજી ફાસ્ટફૂડ ખાવ.
કાન એ કંઈ થૂંકવાનો ખૂણો નથી કે નથી પેટ એ કંઈ કોઈનો ઉકરડો,
આપણા આ ચહેરા પર બીજાના નખ્ખ શેના મારીને જાય છે ઉઝરડો ?
માંદા પડવાનું પોસાય કદિ કોઈને’ય સાંભળ્યા છે ડૉક્ટરના ભાવ ?
લીમડાને આવી ગ્યો તાવ
લીમડાના દાદા ક્યે કહી કહી ને થાકી ગ્યો,
જાવ હજી ફાસ્ટફૂડ ખાવ.
– કૃષ્ણ દવે
Filed under: કવિતા , કૃષ્ણ દવે , ગીત | 6 Comments »
Posted on મે 22, 2014 by Swati
સાંજ ઢળે ને આવે તારાં સ્મરણોનું અજવાળું .
સાજણ, કેમ કરી સંભાળું !
એક અમસ્થી અટકળ લઇને કેમ બધું શણગારું ?
ભીંત,ટોડલો,આંગણ,ઉંબર ને હોવું આ મારું.
ઉજાગરાને આંખે આંજી શમણાં પાછાં વાળું.
સાજણ,કેમ કરી સંભાળું !
ઉભડક જીવે બારસાખ પર સૂક્કાં તોરણ ઝૂલે;
સૂરજનું છેલ્લું કિરણ લઇ ઇચ્છા અઢળક ખૂલે;
પાંગત પર બેસીને ઠાલાં પડછાયાં પંપાળું.
સાજણ,કેમ કરી સંભાળું !
-વિમલ અગ્રાવત
Filed under: કવિતા , ગીત , વિમલ અગ્રાવત | Tagged: અટકળ , અમસ્થી , આ યાદ છે આપની કે , ઈચ્છા , ઉજાગરા , ઉભડક , એક , ગીત , ઠાલાં , ઢળે , તોરણ , પાંગત , મારી , વિમલ અગ્રાવત , શણગારું , સાંજ , સાજણ , સૂક્કાં , સ્મરણોનું અજવાળું , હ્રદય , Gazal , gujarati , gujarati gazal , gujarati geet , gujarati poem , gujarati poetry , gujarati shayri , kavita , sahitya , shayri , smarano nu ajvalu , vimal agravat | 1 Comment »
Posted on નવેમ્બર 12, 2013 by Swati
જો દોસ્ત તળેટીનું જીવન કેવું ફળે છે
કે સઘળાં શિખર જાણે અહીં પગની તળે છે
ડર શું છે? નથી ચાલતી હિમ્મત તને માગું
એ પણ છે ખરું જે કંઈ પણ માંગું મળે છે.
મન ક્યાંય જવાનું જ નથી થાતું કદાપિ
ન જાણે કયા ભવનો હજુ થાક કળે છે
ઉપર ઉપરથી સ્વસ્થ સતત હોઈએ છતાં
એ તો તું શોધ કોણ છે ભિતર જે ચળે છે.
ઊગ્યો નથી ભલે ને સૂરજ મારો કદી પણ
હર સાંજના લાગ્યું છે સૂરજ મારો ઢળે છે.
પર્યાય એના નામનો પ્રત્યેક નામ છે
પ્રત્યેક રસ્તા જાણે કે એ બાજુ વળે છે
– રાજેશ વ્યાસ ‘મિસ્કીન’
Filed under: કવિતા , ગઝલ , રાજેશ વ્યાસ ‘મિસ્કીન’ | Tagged: અહીં , ઊગ્યો નથી , કદી પણ , કયા ભવનો , કળે છે , કેવું ફળે છે , ગઝલ , ગીત , ગુજરાતી ગઝલ , જાણે , જીવન...! , જો દોસ્ત , તળેટીનું , થાક , પગની તળે છે , ભલે ને , રાજેશ વ્યાસ ‘મિસ્કીન’ , લાગ્યું છે , વાસ્તવિક્તા , સઘળાં શિખર , સૂરજ મારો , સૂરજ મારો ઢળે છે , હજુ , હર સાંજના , Gazal , gujarati , gujarati gazal , gujarati poem , gujarati poetry , rajesh vyas - miskin | Leave a comment »
Posted on ઓગસ્ટ 13, 2013 by Swati
મૌન કહો તો એક શબ્દ છે : આમ જુઓ તો વાણી.
આભથી જુઓ બરફ પડે છે ને પળમાં વહેતું પાણી.
જળની કુંડળી પરપોટામાં શાને જાય સમાઇ ?
પથ્થરમાંથી ઝરણું ક્યાંથી પ્રકટે એ જ નવાઇ ?
નદી, સરોવર, સમદર જળની જૂજવી હોય કહાણી
મૌન કહો તો એક શબ્દ છે : આમ જુઓ તો વાણી.
રેતી પર એક નામ લખું રે પવન ભૂંસતો જાય
જળમાં તારું નામ લખું તો તરંગમાં લહેરાય
રહસ્ય પછી આ જિંદગી જોને બેઠી ઘૂંઘટ તાણી
મૌન કહો તો એક શબ્દ છે : આમ જુઓ તો વાણી.
− નીલેશ રાણા
Filed under: કવિતા , ગઝલ , ગીત , નીલેશ રાણા | Tagged: "ગઝલ" એટલે... , આભથી , આમ જુઓ , એક શબ્દ છે , કહાણી , કહો તો , ઘૂંઘટ તાણી , જળની કુંડળી , જૂજવી , તો વાણી , નીલેશ રાણા , પરપોટામાં , પવન , બરફ , મૌન , વહેતું પાણી , Gazal , gujarati , gujarati gazal , gujarati poetry , kavita , maun , Nilesh Rana , varsadi gujarati poem | 6 Comments »
Posted on જુલાઇ 12, 2013 by Swati
ના તું જાણે, ના હું જાણું,
બે ય મળીને એક ઊખાણું !
હું તારામાં ગયું ઓગળી,
તું મુજમાં આવી સંતાણું !
અવલોક્યું તો અલગ રહ્યું ના,
આંખોમાં આખ્ખું અંજાણું !
શ્વાસ સરીખા શ્વાસનું સાટું,
હરખી ઊઠ્યા હાટ, હટાણું !
રંગ ચડ્યા ને રંગ ઊતર્યા,
રંગ વગર આખર રંગાણું !
કેવાં વસ્તર, કેવા વાઘા,
જેવો અવસર, જેવું ટાણું !
અમે જ અમને ફટવી મૂક્યા,
ઉપરથી તમણું ઉપરાણું !
– રાજેન્દ્ર શુક્લ
Filed under: કવિતા , ગઝલ , રાજેન્દ્ર શુક્લ | Tagged: "ગઝલ" એટલે... , અંજાણું , અમે જ અમને , આખ્ખું , આવી સંતાણું ! , ગઝલ , ગીત , ગુજરાતી ગઝલ , તમણું ઉપરાણું , તું મુજમાં , ના તું જાણે , ના હું જાણું , ફટવી મૂક્યા , બે ય મળીને એક ઊખાણું ! , રાજેન્દ્ર શુક્લ , વસ્તર , વાઘા , શ્વાસનું સાટું , હ્રદય , Gazal , gujarati , gujarati gazal , gujarati poem , gujarati poetry , rajendra shukla | 1 Comment »
Posted on જૂન 3, 2013 by Swati
તમને તો કંઈ ઘણાં ઘણાંએ ઘણું લખ્યું છે હરિ ! હું ય લખું બસ જરી ?
લખવાવાળા લખે શબદની કૈંક કરામત લાવે, હરિ ! મને તો વધી વધીને કક્કો લખતા ફાવે, જરૂર પડે ત્યાં કાનો-માતર તમે જ લેજો કરી. હું ય લખું બસ જરી ?
શબદ સરકણાં ફોગટ સઘળા કાગળ મારો સાચો, અક્ષરમાં અંધારું કેવળ અંતર મારું વાંચો, પરબીડિયું પડતું મેલી મેં મને રવાના કરી. હું ય લખું બસ જરી ?
-વિમલ અગ્રાવત
Filed under: કવિતા , વિમલ અગ્રાવત | Tagged: અંતર , અક્ષર , કક્કૉ , કક્કો , કરામત , કાનો માતર , ગઝલ , ગીત , ગુજરાતી , ગુજરાતી ગઝલ , પરબીડિયું , પ્રેમગીત , વિમલ અગ્રાવત , હરિ , હું ય લખું બસ જરી ? , હ્રદય , Gazal , gujarati , gujarati poetry , hari , premgeet , vimal agravat | 7 Comments »
Posted on જાન્યુઆરી 9, 2013 by Swati
અણગમતું આયખું લઈ લ્યોને, નાથ !
મને મનગમતી સાંજ એક આપો :
કે ક્યારનો મૃગજળમાં ઝૂરતો તરાપો
ખરી પડ્યાં પાંદડાંને હાથમાં લઈને
મેં આંખોમાં રોપ્યું એક ઝાડ :
પંખીનાં લાડ કદી નીરખ્યાં નથી
કે નથી સાંભળ્યો મેં નભમાં ઉઘાડ.
થીજેલાં જળમાં આ સૂતેલી માછલીને
અર્જુનનો મત્સ્યવેધ આપો
મને આપો એક સાંજ, મને આપો એક રાત
મને આપો એક એવો આશ્લેષ –
ફરફરવા લાગે આ સાતસાત જન્મોના
તાણીને બાંધેલા કેશ !
મારાથી સાવ મને અળગી કરીને નાથ,
કાયમની કેદ મને આપો !
– જગદીશ જો ષી
Filed under: કવિતા , ગીત , જગદીશ જોષી | Tagged: જગદીશ જોષી | 2 Comments »
Posted on ઓગસ્ટ 24, 2012 by Swati
જો આ રીતે મળવાનું નહીં
દરિયો તો હોય તેથી નદીએ કાંઈ દોડીને આ રીતે ભળવાનું નહીં
જો આ રીતે મળવાનું નહીં
પાંદડી ગણીને તને અડક્યો ને મારામાં ઉડઝુડ ઊગ્યું એક ઝાડ
ખિસકોલી જેમ હવે ઠેકીને એક એક રુંવાડે પાડે તું ધાડ
છીંડુ તો હોય તેથી ઉભી બજારેથી આ રીતે વળવાનું નહીં
જો આ રીતે મળવાનું નહીં
એમ કાંઈ એવું કહેવાય નહીં કહેવાનું હોય કોઈ પૂછે જો તો જ
જેમ કે અનેકવાર તારામાં ભાંગીને ભૂક્કો હું થઈ જાતો રોજ
જીવતર તો હોય તેથી ગમ્મે ત્યાં ઓરીને આ રીતે દળવાનું નહીં
જો આ રીતે મળવાનું નહીં
– વિનોદ જોષી
Filed under: કવિતા , ગીત , વિનોદ જોશી | Tagged: આ રીતે ભળવાનું નહીં , ઉર્મિગીત , કવિતા , ગઝલ , ગીત , ગુજરાતી ગઝલ , જો આ રીતે મળવાનું નહીં , તેથી નદીએ કાંઈ દોડીને , દરિયો તો હોય , વિનોદ જોષી , Gazal , gujarati , gujarati gazal , gujarati poetry , sahitya , shayri | 8 Comments »
Posted on જુલાઇ 26, 2012 by Swati
કેમ સખી ચીંધવો પવનને રે હું તો ખાલી શકુંતલાની આંગળી
ઝંઝાના સૂસવાટા પાંખમાં ભરીને ઊડું આખ્ખું ગગન મારી ઇચ્છા
વહેલી પરોઢના ઝાંખા ઉઘાડમાં ખરતા પરભાતિયાનાં પીંછાં
ઉરમાં તે માય નહીં ઉડતો ઉમંગ મને આવીને કોઇ ગયું સાંભળી
કેમ સખી ચીંધવો પવનને રે હું તો ખાલી શકુંતલાની આંગળી
ઝૂકેલી ડાળખીનો લીલો વળાંક લઇ એવું તો મન ભરી ગાતો
કેમ સખી ચીંધવો પવનને રે હું તો ખાલી શકુંતલાની આંગળી
કાંઇ એવું તો મન ભરી ગાતો.
જંગલમાં ધોધમાર વરસે ગુલમ્હોર, ક્યાંય કાગડો થઇ ન જાય રાતો!
આજ મારી ફૂંકમાં એવો ઉમંગ સખી, સૂર થઇ ઊડી જાય વાંસળી
કેમ સખી ચીંધવો પવનને રે હું તો ખાલી શકુંતલાની આંગળી
– અનિલ જોશી
Filed under: અનિલ જોશી , કવિતા , ગીત | Tagged: આ યાદ છે આપની કે , ગઝલ , ગુજરાતી ગઝલ , હ્રદય , Gazal , gujarati gazal | 5 Comments »
Posted on જુલાઇ 23, 2012 by Swati
આપણી જુદાઈનું આ ભમ્મરિયું વ્હેણ
મને કોણ જાણે ક્યાંય જશે તાણી
ચંપાની ડાળ જેવું અહીંયાં નિત લીલુંછમ
ઝૂલવા છતાં ન કૂલ ઊગ્યું
ઝંખ્યાનો કેવડો તો કૉળ્યો ના કોઈ દિ’
ના એકેય વ્રત મારું પૂગ્યું
સુસવાતા દિવસોએ કાગળના જેવી આ
જાતને ક્યાં આજ મૂકી આણી
જળથી ભીનાશ બધી અળગી થઈ જાય
અહીં ચૈતરના તાપ પડ્યા એવા
અહલ્યાની જેમ મારી ઇચ્છા તો પથ્થર
આ જીવતરના શાપ કોને કે’વા
એકલી કદંબ હેઠ બેઠેલી સૂનંમૂન
ધેનુની આંખનું હું પાણી
– મનોજ ખંડેરિયા
Filed under: કવિતા , ગીત , મનોજ ખંડેરિયા | Tagged: આપણી જુદાઈનું આ ભમ્મરિયું વ્હેણ , ગઝલ , ગુજરાતી ગઝલ , ધેનુની આંખનું હું પાણી , મને કોણ જાણે ક્યાંય જશે તાણી , મનોજ ખંડેરિયા , gujarati gazal , gujarati poem , gujarati poetry , gujarati shayri , manoj khanderiya , sahitya , shayri | 2 Comments »
Posted on માર્ચ 28, 2011 by Swati
જૂઠી ઝાકળની પિછોડી
મનવાજી મારા ! શીદ રે જાણીને તમે ઓઢી ?
સોડ રે તાણીને મનવા ! સૂવા જ્યાં જાશો ત્યાં તો
શ્વાસને સેજારે જાશે ઊડી.
મનવાજી મારા ! જૂઠી ઝાકળની પિછોડી !
બળતા બપ્પોર કેરાં અરાંપરાં ઝાંઝવામાં –
તરસ્યાં હાંફે રે દોડી દોડી;
મનનાં મોરલાને પાછા રે વાળો વીરા !
સાચાં સરવરિયે દ્યો ને જોડી.
મનવાજી મારા ! જૂઠી ઝાકળની પિછોડી !
સાચાં દેખાય તે તો કાચાં મનવાજી મારા !
જૂઠાં રે જાગર્તિનાં મોતી;
સમણાંને ક્યારે મોરે સાચા મોતી-મોગરા જી !
ચૂની ચૂની લેજો એને તોડી !
મનવાજી મારા ! જૂઠી ઝાકળની પિછોડી !
એવું રે પોઢો મનવા ! એવું રે ઓઢો મનવા !
થીર કે દીવાની જેવી જ્યોતિ;
ઉઘાડી આંખે વીરા ! એવા જી ઊંઘવા કે –
કોઈ નો શકે સુરતા તોડી,
મનવાજી મારા ! જૂઠી ઝાકળની પિછોડી !
-બાલમુકુન્દ દવે
Filed under: કવિતા , ગીત , બાલમુકુન્દ દવે | Tagged: ગીત , ગુજરાતી ગઝલ , ઝાકળની પિછોડી , તમે ઓઢી , પ્રાર્થના , બાલમુકુન્દ દવે , મનવાજી મારા , શીદ રે જાણીને , balmukund dave , gujarati , gujaratigazal , jhoothi , pichhodi , zakal ni | 1 Comment »
Posted on માર્ચ 1, 2011 by Swati
કોઇ શબદ આવે આ રમતો રે,
કોઈ શબદ આવે મનગમતો,
મહામૌનના શિખર શિખરથી
સૂરજ નમતો નમતો રે-
કોઇ શબદ આવે આ રમતો
એક શબદ હૈયે ઝીલું ને
હોઠ કરી દઉં બંધ,
માથું ઢાળી રહું અઢેલી
આ આકાશી કંધ :
શબદ ઊગે હું શમતો રે –
કોઈ શબદ આવે આ રમતો.
ઝાંખો ઝાંખો દિવસ બન્યો ને
પાંખી પાંખી રાત,
પગલે પગલે પડી રહી આ
બીબે બીજી ભાત
ભાંગ્યા ભેદભરમ તો રે,
કોઈ શબદ આવે આ રમતો.
પિંડ મહીં આકાર ધરે
પળ પળ ગુંજરતો પિંડ,
માંસલ સાજ પરે આ કોની
અમી ટપકતી મીંડ !
શો સરસ સરસ રસ ઝમતો રે,
કોઈ શબદ આવે આ રમતો.
– મકરન્દ દવે
Filed under: કવિતા , ગીત , મકરન્દ દવે | Tagged: આ રમતો રે , આવે , કોઇ શબદ , ઝાંખો ઝાંખો , દિવસ બન્યો , પાંખી પાંખી રાત , મકરન્દ દવે , મહામૌનના , શબદ , શબદ – મકરન્દ દવે , શિખર , gujarati gazal , shabad | 5 Comments »
Posted on ફેબ્રુવારી 21, 2011 by Swati
“વિશ્વ માતૃભાષા દિવસ”ની શુભેચ્છાઓ સાથે
ગુજરાતી ભાષાનું ગૌરવ દર્શાવતી શ્રી ઉમાશંકર જોષીની આ અમર રચના
જે જન્મતાં આશિષ હેમચન્દ્રની
પામી, વિરાગી જિનસાધુઓએ
જેનાં હિંચોળ્યા મમતાથી પારણાં,
રસપ્રભા ભાલણથી લહી જે
નાચી અભંગે નરસિંહ-મીરાં-
અખા તણે નાદ ચડી ઉમંગે
આયુષ્મતી લાડલી પ્રેમભટ્ટની
દ્રઢાય ગોવર્ધનથી બની જે,
અર્ચેલ કાન્તે, દલપત પુત્રે
તે ગુર્જરી ધન્ય બની ઋતંભરા
ગાંધીમુખે વિશ્વમાંગલ્યધાત્રી
– ઉમાશંકર જોષી (૧૯૧૧ – ૧૯૮૮)
Filed under: ઉમાશંકર જોશી , કવિતા , ગીત | Tagged: આયુષ્મતી , આશિષ , ઉમાશંકર જોષી , ઋતંભરા , ગુર્જરી ગિરા , જન્મતાં , જિનસાધુઓએ , જે , નાચી અભંગે નરસિંહ-મીરાં- , પામી , વિરાગી , વિશ્વ માતૃભાષા દિવસ , વિશ્વમાંગલ્યધાત્રી , હેમચન્દ્રની | 2 Comments »
Posted on ફેબ્રુવારી 16, 2011 by Swati
અહોહો ઝનઝન ભવ્ય સતાર !
રણઝણે તાર તાર પર તાર !
અધર ગગનમાં ચડી પૃથ્વીનું તુંબ ગ્રહ્યું તેં ગોદ,
સપ્ત તેજના તંતુ પરોવી તેં છેડ્યો કામોદ.
અહોહો ઝનઝન ભવ્ય સતાર !
કુંજ કુંજ ગોચર ગૈ થંભી, થંભી ગ્રહઘટમાળ.
ક્ષીરસિંધુએ તજી સમાધિ, જાગ્યો બ્રહ્મમરાળ.
અહોહો ઝનઝન ભવ્ય સતાર !
અમે પૂછતાં કોણ વરસતું, નહીં વાદળ, નહીં વીજ,
તેં તારો મુખચંદ દરસિયો, મુજને પડી પતીજ.
અહોહો ઝનઝન ભવ્ય સતાર !
દૂર દૂર ભીતરની ભીતર, એ જ એક ઝંકાર,
કૈંક કળ્યો, કૈં અકળિત તોયે મીઠો તુજ મલ્હાર.
અહોહો ઝનઝન ભવ્ય સતાર !
સૌ માગે છે લલિત વસંતે ભૂપ ભવ્ય કલ્યાણ,
હું માગું આછી આશાનું મંજુલ મંજુલ ગાન.
અહોહો ઝનઝન ભવ્ય સતાર !
– ‘સુન્દરમ્’
Filed under: કવિતા , ગીત , સુન્દરમ્ | 1 Comment »
Posted on ફેબ્રુવારી 13, 2011 by Swati
મને ફાગણનું એક ફૂલ આપો, કે લાલ મોરા
કેસૂડો કામણગારો જી લોલ
વનની વાટે તે વ્હાલા એક ફૂલ દીઠું લોલ,
એકલ કો કાળ, એક એકલડું મીઠું લોલ,
મેં તો દીઠું દીઠું ને મન મોહ્યું, કે લાલ મોરા,
કેસૂડો કામણગારો જી લોલ
ઉત્તરના વાયરાએ ઢંઢોળ્યાં વન લોલ,
જાગી વસંત, કૈંક જાગ્યાં જીવન લોલ,
મેં તો સુખડાની સેજ તજી જોયું, કે લાલ મોરા,
કેસૂડો કામણગારો જી લોલ
રૂપલિયા વાટ મારી રૂપલિયા આશ લોલ,
સોનલ સૂરજ તારા, સોનલ ઉજાશ લોલ,
તારી વેણુમાં વેણ મેં પરોવ્યું, કે લાલ મોરા,
કેસૂડો કામણગારો જી લોલ
– ‘સુન્દરમ્’
Filed under: કવિતા , ગીત , સુન્દરમ્ | 2 Comments »
Posted on ડિસેમ્બર 17, 2010 by Swati
કુંજડીઓ થૈ બોલે છે પડછાયા
વહી ગયેલા દિવસો કોના ઘરમાં આવ્યા ?
કોણ ક્યારનું હળથી મારી પડતર માટી ખેડે ?
અડધું ઊગે અંકુર થઈને પડધું પૂગે શેઢે
ખેતરને ભીંજવતી આજે ટહુકે કોની છાયા ?
કુંજડીઓ થૈ બોલે છે પડછાયા…
ઝાકળ જેવી આંખો ખોલી શેઢો સસલું બોલે
આંબા ઉપર ફૂટે મંજરી સીમ ચડી છે ઝોલે
ફૂલ ફૂલમાં આભ ઊતર્યું સૂરજ થઈ છે કાયા
કુંજડીઓ થૈ બોલે છે પડછાયા…
ઊડી ગયેલું જંગલ લઈને પંખી ડાળે આવ્યાં
વહી ગયેલા દિવસો પાછા સૂના ઘરમાં લાવ્યાં –
કુંજડીઓ થૈ બોલે છે પડછાયા
– મણિલાલ હ. પટેલ
Filed under: કવિતા , ગીત , મણિલાલ હ. પટેલ | Tagged: આવ્યા ? , કુંજડીઓ , કોના , ગયેલા , ઘરમાં , થૈ બોલે છે , દિવસો , પડછાયા , મણિલાલ હ. પટેલ , વસંતનું પદ , વહી , manilal ha. patel | 3 Comments »
Posted on નવેમ્બર 18, 2010 by Swati
મારા અંતરની વેદના જોવા
જરીક ! શ્યામ રાધે બનો.
મૂકી મુરલીને આંસુ લ્હોવા
ઘડીક ક્ હાન ! રાધે બનો.
પેલા માલમુકુટ બાજુ મૂકો
આ વેશ ધરી રાધે બનો.
રંગચૂંદડીને વેસર ઝૂકો
મોહનપ્યાસી રાધે બનો.
બધું ધારો તોયે નહીં પામો
હૈયું મારું, રાધે બનો.
શ્રમ સઘળો જશે નક્કામો
છતાંય, જરા રાધે બનો.
મને મોહનસ્વરૂપ જરી દૈને
પ્રીતમ ! તમે રાધે બનો.
ઘડીભરનો આ ખેલ લઈને
રાધે-શ્યામ રાધે બનો.
– પિનાકીન ત્રિવેદી
0.000000
0.000000
Filed under: કવિ/કવિયત્રી , કવિતા , ગીત , પિનાકીન ત્રિવેદી | Tagged: અંતરની , આંસુ , કવિતા , ગીત , ગુજરાતી , જરી , જરીક , જશે , જોવા , દૈને , નક્કામો , પિનાકીન ત્રિવેદી , મને , મારા , મુરલીને , મૂકી , મોહનપ્યાસી , મોહનસ્વરૂપ , રાધે બનો , લ્હોવા , વેદના , શ્યામ , શ્રમ , સઘળો | 5 Comments »
Posted on નવેમ્બર 12, 2010 by Swati
અલ્યા, કાગળ પર ચીતરે છે મોર?
મોરને તો નાનકડું છોકરું યે ચીતરે
હો હિંમત તો ટહુકો તું દોર…
મારામાં રાખી અકબંધ મને ચોરે
તું એવો તે કેવો ઘરફોડું?
છતરીની જેમ મને ઓઢી લે આખી
ને પલળે છે તોય થોડું થોડું
પાણીથી ઠીક, જરા પલળી બતાવ મને
હોય જ્યારે કોરુંધાકોર…
મેલું આકાશ ખૂલે જડબાંની જેમ
જાણે ખાતું બગાસું કોઇ લાંબુ
વાદળાય આમ તો છે કાંઇ નથી બીજું
છે ઠળિયા વિનાના બે’ક જાંબુ
વાદળા કે જાંબુ તો ઢગલો તું ચોરે
જરા આખું આકાશ હવે ચોર…
– રવિન્દ્ર પારેખ
0.000000
0.000000
Filed under: કવિ/કવિયત્રી , કવિતા , ગીત , રવિન્દ્ર પારેખ | Tagged: અલ્યા , કાગળ પર , ચીતરે , ચીતરે છે મોર? , છોકરું , તો , નાનકડું , મોરને , રવિન્દ્ર પારેખ , હો હિંમત તો ટહુકો તું દોર | 3 Comments »
Posted on સપ્ટેમ્બર 28, 2010 by Swati
હતું મોસમનું પહેલું ઇ પાણી, સખીરી ! હું તો આખી ને આખી ભીંજાણી.
રે ! દરિયે કાંઇ નદીયું લુંટાણી સખીરી હું તો આખી ને આખી ભીંજાણી.
કોરાકટ આકાશે આવ્યું ઓચિંતું એક્ વાદળનું મખમલિયું પૂર.
છાંટે છાંટે ‘લિ મુંઇ છોલાતી જાઉં, પણ કેમ કરી જાવું રે દૂર?
મારી ચુંદડીને કોણ ગયું તાણી ? સખીરી હું તો આખી ને આખી ભીંજાણી.
હતું મોસમનું પહેલું ઇ પાણી, સખીરી હું તો આખી ને આખી ભીંજાણી.
ઝંખનાઓ ચોમાસા જેમ કાંઇ વરસે ને અંગ અંગ ઉમટે તોફાન;
કુંવારા સપનાઓ સળવળવા લાગે ને ભુલાતું સઘળુંયે ભાન;
હું તો ભીનપના ભારથી મુંજાણી, સખીરી હું તો આખી ને આખી ભીંજાણી.
હતું મોસમનું પહેલું ઇ પાણી, સખીરી હું તો આખી ને આખી ભીંજાણી.
-વિમલ અગ્રાવત
Filed under: કવિતા , ગીત , વિમલ અગ્રાવત | Tagged: ! , આખી , ઇ પાણી , કાંઇ , કુંવારા , કોણ , ગયું , ચુંદડીને , તાણી? , તો ભીનપના , દરિયે , નદીયું , ને આખી , પહેલું , ભાન , ભારથી , ભીંજાણી. , ભુલાતું , મારી , મુંજાણી , મોસમનું , લાગે ને , લુંટાણી , વિમલ અગ્રાવત , સખીરી ! , સઘળુંયે , સપનાઓ , સળવળવા , હતું , હું તો | 3 Comments »